Көрменің
пресс-релизі

2025 жылғы 19–21 қараша аралығында «Атакент» көрме орталығында «Білім және Мансап – 2025» атты XXIV Қазақстан Халықаралық көрмесі өтеді.

Іс-шараны ұйымдастырушы — «Атакент-Экспо» Халықаралық көрме компаниясы, Қазақстан Республикасы Оқу-ағарту министрлігі мен Алматы қаласы әкімдігінің ресми қолдауымен.

Жиырма жылдан астам уақыт бойы «Білім және Мансап» көрмесі білімнің барлық деңгейіндегі жетістіктерді, оқытудың заманауи технологияларын, оқу жабдықтарын және жаңа білім беру бағдарламаларын көрсетіп келеді. Көрме жыл сайын Қазақстан мен шетелдің жетекші оқу орындарын, білім беру орталықтары мен ұйымдарын біріктіреді.

Биыл көрмеге 20 елдің өкілдері қатысады: Қазақстан, Ресей Федерациясы, Австрия, Әзербайжан, Армения, Германия, Гонконг, Грузия, Үндістан, Иран, Италия, Қытай, Қырғызстан, Малайзия, Мальта, Польша, Солтүстік Кипр, Сингапур, Түркия, Чех Республикасы және Оңтүстік Корея.

Келушілер әлем елдерінің білім беру жүйелерімен танысып, Қазақстанда және шетелде оқуға ең қолайлы бағдарламаны таңдай алады.

Қатысушылар қатарында Қазақстанның танымал жоғары оқу орындары бар: «Туран» университеті, Абылай хан атындағы Қазақ халықаралық қатынастар және әлем тілдері университеті, Оңтүстік Қазақстан медициналық академиясы, Қазақ ұлттық аграрлық зерттеу университеті, Алматы технологиялық университеті және басқалар.

Алыс шетелден қатысатын оқу орындарының қызығушылығы ерекше: Perspektywy Education Foundation (Польша, Варшава), Raffles Design Singapore & Milan (Сингапур), The Education University of Hong Kong (Гонконг), Azerbaijan State University of Economics (UNEC) (Әзербайжан, Баку), ARUCAD – Arkin University of Creative Arts and Design (Солтүстік Кипр, Кирения), Woosong University (Оңтүстік Корея, Тэджон), Apicius Armenia International School of Hospitality (Армения, Дилижан), Georgian American University (Грузия, Тбилиси) және басқалар.

Көрменің іскерлік бағдарламасы аясында презентациялар, семинарлар, шеберлік сабақтары, тестілеулер және Қазақстан мен шетелдің жетекші жоғары оқу орындарында білім алуға сертификаттар ұтысы жоспарланған.

Қазақстан Республикасы Ұлттық тестілеу орталығы мектеп, лицей және колледж түлектеріне арналған ҰБТ бағдарламасы бойынша тегін сынама тестілеу өткізеді.

Көрме бітіруші сынып оқушыларына, талапкерлерге, студенттерге, ата-аналарға және білім саласының мамандарына ашық болады.

Келушілер бакалавриат, магистратура, MBA, тіл курстары, гранттар, стипендиялар туралы ақпарат алып, жетекші университеттер мен бизнес-мектептердің өкілдерімен тікелей сөйлесіп, елімізде және шетелде білім алуға ең тиімді әрі қызықты ұсыныстар жайлы толық ақпарат ала алады.

Көрме дәстүрлі түрде қоғам назарын аударып, оқу орындарына өздерін танытуға және тәжірибе алмасуға мүмкіндік береді. Жастар үшін бұл кәсіби дамуға жаңа қадам жасап, табысты мансап құруға қажетті ақпарат алудың тамаша мүмкіндігі.

Көрме күндері ұйымдастырушылар мен қатысушылар келушілерге арналған сыйлықтар мен жүлделер ұтысын өткізеді.

Қатысушылар туралы толық ақпарат көрменің ресми каталогында жарияланған.

Ресми ашылу салтанаты:
2025 жылғы 19 қараша, сағат 10:00
«Атакент» көрме орталығы, 10-павильон, Алматы қаласы

«Білім және Мансап – 2025» көрмесінің ұйымдастыру комитеті:
«Атакент-Экспо» Халықаралық көрме компаниясы
Қазақстан Республикасы, 050057 Алматы қаласы, Тимирязев көшесі, 42
Тел./факс: +7 (727) 275 09 11, +7 775 256 49 01
E-mail: atakent@mail.ru
Сайт: www.eduexpo.kz